Ki sa MODESS ye ?
Mouvman pou Devlopman Ekonomik ak Solidarite Sosyal (MODESS) se yon ognizasyon ke yon gwoup sitwayen kreye nan komin Kafou, nan ane 1994, pou pote yon solisyon dirab ak pwobl è m sosyal ekonomik k ap ravaje kominote yo k ap viv nan vil la tankou nan sesyon kominal yo pa mwayen edikasyon, fòmasyon ak konsyatizasyon.
MODESS se yon òganizasyon endepandan ki pa mare kòn lonbrit li ak okenn relijon oubyen pati politik ; sa vle di MODESS kapab travay ak tout moun oubyen òganizasyon k ap lite pou chanjman pwofon ak pwogrè pou tout moun k ap viv nan komin Kafou a ak rès pwyi a. Se sa k fè nan 10 lane ki sot pase yo, MODESS kolabore ak ayisyen tankou etranje, enstitisyon lokal, nasyonal ak entènasyonal pou mete Komin Kafou sou wout pwogrè ak devlopman dirab.
MODESS nan Komin Kafou
Malgre dimansyon li, richès li ak tout resous li genyen, Kafou ki se youn nan pi gwo komin ann Ayiti a, pat janm rive genyen yon mouvman oubyen yon òganizasyon ki ka defann dwa li e travay pou ankouraje devlopman ak pwogrè soyal nan seksyon kominal yo andeyo tankou anndan vil Kafou. Touswit apre rejim Divalye a tonbe, yon bann òganizasyon bidon pouse tankou djondjon ; yo pat gen ni baz ni konpetans pou ede komin lan ak moun yo k ap viv ladan l pran direksyon te nesesè nan moman an. Apre konsta sa a, yon gwoup pwofesyonèl, edikatè ak ajan developman ki te deja gen plizyè ane eksperyans ap fonksyone nan lòt òganizasyon, deside kreye yon mouvman pou ede kominote yo k ap viv nan Kafou patisipe aktivman nan pran desizyon ak kreye kondisyon k ap pèmèt lavi souri bay tout moun nan komin lan.
Nan 15 ane ki pase yo, MODESS te chita plis nan vil Kafou. Majorite nan travay li reyalize te sitou nan fòmasyon ak konsyantizasyon. Soti nan fen ane 2008 lan pou rive nan ane 2020, MODESS ap konsantre aktivite l yo sou :
Misyon MODESS
Travay men nan men ak òganizasyon, enstitisyon ak kominote yo k ap viv nan Kafou pou defann entere timoun, jèn ak granmoun yo ; epitou fè pwomosyon pou devlopman ekonomik, pwogre sosyal ak demokrasi nan komin lan e nan rès peyi a.
Objektif MODESS
Jan MODESS òganize tèt li
MODESS gen yon sekretarya ki gen plizye branch ke yo rele komisyon. Chak komisyon gen responsabilite pou li fè tout aktivite ki depann de li fonsyone kòm sa dwa.
Manm sekretarya MODESS yo |
Ronald Dorvil se manm sekretarya jeneral MODESS depi òganizasyon an kòmanse fonksyone nan ane 1994. Koulye a li se delege ak konseye òganizasyon an. |
Francklin Célestin se mann sekretarya MODESS la. Koulye a li se trezorye ak konseye nan òganizasyon an. Pwofesyon li se kontab. Nan moman sa a, l ap patisipe nan jesyon Bibliyotèk Justin Lhérisson an ke MODESS fonde nan Ane 1998. |
|